“ಗಣಪತಿ ಬಪ್ಪಾ ಮೊರಯಾ” ಅಂದರೇನು?

“ಗಣಪತಿ ಬಪ್ಪಾ ಮೊರಯಾ” ಇದರ ಅರ್ಥ ನಿಮಗೆ ಖಚಿತವಾಗಿ ಗೊತ್ತಿದ್ದರೆ ಹೇಳಿ ಪ್ಲೀಸ್

ನನಗೆ ಸಿಕ್ಕ ಕೆಲ ಅರ್ಥಗಳು;
-ಗಣಪತಿ ನನ್ನ ದೇವರು
-ತಂದೆ ಗಣಪತಿ
-ಗಣಪತಿಗೆ ಜಯವಾಗಲಿ
-ಗಣಪತಿ ನಿನಗೆ ಸ್ವಾಗತ
-ಮೊರಯಾ ಗೊಸಾವಿ ೧೪ನೇ ಶತಮಾನದ ಪ್ರಸಿದ್ಧ ಗಣಪತಿಯ ಭಕ್ತ. ಈತನ ನೆನಪಿಗಾಗಿ ಗಣಪತಿಯ ಜೊತೆಯಲ್ಲಿ ಮೊರಯಾ ಸೇರಿಸಲಾಗಿದೆ. ಈತ ಕರ್ನಾಟಕದ ಸಾಲಿಗ್ರಾಮದವನಂತೆ.

ಜಾತಿ

ಮಂತ್ರ ಕೇಳುತ್ತಿದ್ದಂತೆ ನಿಜವಾಗಿಯೂ ನನ್ನ ಬ್ರಾಹ್ಮಣತ್ವದ ಬಗ್ಗೆ ಎಲ್ಲಿಲ್ಲದ ಹೆಮ್ಮೆ ಬಂದು ಬಿಡುತ್ತದೆ.
ಎಲ್ಲೇ ಪೂಜೆಗೆ ಹೋದರೂ ಅಲ್ಲಿನ ಕ್ರಮ ನೋಡಿ ಮತ್ತೆ ನಮ್ಮಲ್ಲಿಯ ಪೂಜೆ ನೆನಪಿಗೆ ಬರುತ್ತದೆ.
ಹಬ್ಬಕ್ಕೆಂದು ಎದುರಿಗಿನ ಮನೆಯವರು ಬಾಟಲ್ ಎತ್ತುವಾಗ ಪಾಪ–ಪುಣ್ಯ ನೆನಪಾಗುತ್ತದೆ.
ದೇವಸ್ಥಾನದಲ್ಲಿ ಸಹ ಭೋಜನದಲ್ಲಿ ಕುಂತಾಗ ಅಕ್ಕಪಕ್ಕದವರು ಊಟಮಾಡುವ
ರೀತಿ ನೋಡಿದಾಗ ಸಂಸ್ಕಾರದ ಬಗ್ಗೆ ಇನ್ನಿಲ್ಲದ ಮಹತ್ವ ಬಂದು ಬಿಡುತ್ತದೆ.
………………. ಯಾಕೆ ಹೀಗೆ ?
‘ಬಾಂಬ್ರು‘  ಎಂದು ಓನರ್ ಅಜ್ಜಿ ವಯಸ್ಸಲ್ಲಿ ಸಣ್ಣವಳಾದ ನಂಗೆ ನಮಸ್ಕರಿಸಿದ್ದು ಮಜುಗುರ ತರಿಸುತ್ತದೆ.
ಊರಲ್ಲಿ ಕೆಲಸದವರು ನಾನು ಅವರತ್ತಿರ ಸುಳಿದಂತೆಲ್ಲ ಮಾರು ದೂರ ಸರಿಯುವುದು ಜೀರ್ಣವೇ ಆಗುವುದಿಲ್ಲ.

ಕಾಮಾಲೆ ಕಣ್ಣು

ಕೆಲ ದಿನಗಳಿಂದ ಮತಾಂಧತೆ, ಮುಸ್ಲಿಮರು, ಕ್ರೈಸ್ತರು, ವೈದಿಕ ಧರ್ಮ, ಹಿಂದೂ ಧರ್ಮ, ಅಸ್ಪ್ರಶ್ಯತೆ..ಹೀಗೆ ಮುಂತಾದ ಲೇಖನಗಳನ್ನು ಓದುತ್ತಿದ್ದೇನೆ. ನನಗೊಂದು ಸಮಸ್ಯೆ ಬಂದು ಬಿಟ್ಟಿದೆ. sc/stನ ದೊಡ್ಡ ಆಫೀಸರ್ / ಶ್ರೀಮಂತನ ಮನೆಯಲ್ಲಿ ಅವನು ಪರಿಚಾರಕರ ಜೊತೆಗೆನೆ ಊಟ ಮಾಡ್ತಾನ ? ಅವರ ಮನೆಯಲ್ಲಿ ಕೆಲಸದವರು ಅಂತ ಕೀಳಾಗಿ ವರ್ತಿಸುವುದೇ ಇಲ್ಲವೇ ? ಅವರಿಗೆಂದು ಬೇರೆ ಲೋಟ, ತಟ್ಟೆ, ಬಟ್ಟೆ… ಇರುವುದಿಲ್ಲವೇ ? ಅವರನ್ನು ಮನೆಯ ದೇವರ ಕೊಣೆಯೊಳಗೆ ಪೂಜೆ ಮಾಡಲು / ಒಳಗೆ ಕೂರಲು ಬಿಡುತ್ತಾರೆಯೆ ? ಅದೇ ಕೆಲಸವನ್ನು ಹುಟ್ಟಿನಿಂದ ಬ್ರಾಹ್ಮಣ ಅಂತಾದವನು (ಕೆಲಸದವರು sc/stಗಳಾಗಿದ್ದರೆ) ಮಾಡಿದರೆ ? ಹಾಗೆಯೇ ಬಾಸ್ ಒಬ್ಬ ತನ್ನ ಕೈ ಕೆಳಗಿನವನ ಜೊತೆ ಚೆನ್ನಾಗಿ ವರ್ತಿಸುವುದಿಲ್ಲ, ಕಿರುಕುಳ ಕೊಡುತ್ತಾನೆ ಅಂತಿಟ್ಟುಕೊಳ್ಳೊಣ. ಬಾಸ್ ಬ್ರಾಹ್ಮಣ/ಹಿಂದೂ ಆಗಿ, ಕೆಳಗಿನವನು sc/st/ಮುಸ್ಲಿಂ ಆಗಿದ್ದರೆ ? ಅಥವಾ ಬಾಸ್ sc/st/ಮುಸ್ಲಿಂ ಆಗಿ ಕೆಳಗಿನವನು ಬ್ರಾಹ್ಮಣ/ಹಿಂದೂ ಆಗಿದ್ದರೆ ?

ಮನುಷ್ಯನ ಕೀಳು ಭಾವನೆಗಳಿಗೆ, ಅಸೂಯೆ, ಮತ್ಸರ, ದ್ವೇಷಗಳಿಗೆ ನಾವ್ಯಾಕೆ ಜಾತಿ / ಧರ್ಮದ ಬಣ್ಣ ಬಳಿಯುತ್ತೇವೆ ?