ಒಂದಿಷ್ಟು ಚಿಕ್ಕ ಹನಿಗಳು

ಗೊತ್ತಾ, ಮೊನ್ನೆ ಕರೆಂಟು ಹೋಗಿತ್ತು. ಟಾರ್ಚ್ ಹಚ್ಚಿ ಸೀಲಿಂಗಿಗೆ ಮುಖ ಮಾಡಿ ಇಟ್ಟಿದ್ದೆ. ಆ ಬೌನ್ಸ್ ಬೆಳಕಲ್ಲಿ ಬೀನ್ ಬ್ಯಾಗಿನಲ್ಲಿ ಬಾಲ್ಕನಿ ನೋಡುತ್ತಾ ಹಾಗೆ ಬಿದ್ದುಕೊಂಡಿದ್ದಾಗ ಏನೋ ಅಂದುಕೊಂಡೆ. ಆಯ್ ಇದನ್ನ ಬರೆದರೆ ಹೇಗೆ ಅಂತ ಅನ್ನಿಸಿ ಗೀಚಿದ್ದು ಆಯಿತು, ಈಗ ನಿಮ್ಮೊಟ್ಟಿಗೆ ಹೇಳಿದ್ದು ಆಯಿತು.

ಮಾತಿಲ್ಲ ಕತೆಯಿಲ್ಲ
ನಾನು ಮತ್ತು ನೀನು
ಹಾಗೂ ಮುತ್ತುಗಳು
————-

ಕೇಳಿದ್ದೆನಿಲ್ಲ
ಒಂದು ಮುತ್ತು
ಅಷ್ಟೇ
ಹುಡುಗನಿಗೂ
ಇಷ್ಟು ನಖರಾವಾ?
———————

ನನ್ನ ಹುಡುಗ
ಒಂದು ಹೂವು
ಸ್ವಲ್ಪ ಕೊಂಕಿದರೂ
ನಲುಗಿ ಹೋಗುವನು
——————–

ಜೀವ ನೀನು,
ಮುದ್ದು, ಚಿನ್ನ ನೀನು
ಏನಂದರೇನು? ಕೇಳುವುದಿಲ್ಲ
ಮಗುವಿನೊಡೆ
ನಿದ್ದೆಗೆ ಜಾರಿರುವನು
———-

ನನ್ನವನು
ಕಣ್ಣ ಗೊಂಬೆ
ಮುದ್ದಿಸಿಕೊಳ್ಳುವವನು
ಮುದ್ದಾಡುವವನಲ್ಲ
———————

ಪ್ರೀತಿ

ಅವನ ಕಣ್ಣಂಚಲ್ಲಿ ಮಿಂಚಿ
ಮೀಸೆಯಂಚಿನ ನಗುವಲ್ಲಿ ಅರಳಿ
ಮಾತಿನ ಘಮದಲ್ಲಿ ಮಿಂದು
ಹೂಮುತ್ತುಗಳಿಗೆ ಕಂಪಿಸಿ
ಸ್ಪರ್ಷಕ್ಕೆ ಕರಗಿ
ಸಾನಿಧ್ಯದಲ್ಲಿ ಆವಿಯಾದೆ

ಕೋನ

“ಆಕೆ ಸರಿಯಿಲ್ಲ”

ಮದುವೆಗೆ ಮುನ್ನ ಕಾಮಿಸಿದ್ದರೆ
ಮದುವೆಯ ನಂತರ ಕಾಮಿಸದಿದ್ದರೆ

ಮದುವೆಗೆ ಮುನ್ನದ ಬಸಿರು
ಮದುವೆಯ ನಂತರ ಆಗದ ಬಸಿರು

’ಮದುವೆ’,  ಹ್ಹ…. ಹ್ಹಾ……..
ಏಷ್ಟು ಬೇಗ ಬದಲಿಸುತ್ತದೆ ಎಲ್ಲವನ್ನ !!!

ತಲಾಂತಾರ ವ್ಯತ್ಯಾಸ

ಪ್ರತಿದಿನ
ಒಂದು ಹಿಡಿ ಅಕ್ಕಿ ಇಡುವೆವು
ಅಮ್ಮ ಮುಷ್ಟಿ ಭಿಕ್ಷೆಗೆಂದು
ನಾನು ಗುಬ್ಬಚ್ಚಿಗೆಂದು

ಮಡಿ-ಮುಸುರೆ

ದೇವರಿಗೆ ಜೇನಿನ ಅಭೀಷೇಕ !
ನೂರಾರು ದುಂಬಿಗಳ ಜಿಹ್ವಾರಸ !!

ಇಷ್ಟ-ಅನಿಷ್ಟ

– ಮುದ್ದು, ಜಾಣ, ಚಿನ್ನು, ರಾಜ, ……………………..

– ರಂ…….., ಸೂ……….., ಬೋ…………, ………..

ಇವೆರಡರ ಪಟ್ಟಿಯು ಅಪರಿಮಿತ

(ಮಂಗಾ, ಕೋತಿ, ……………ಇವು ಪಕ್ಷಾಂತರಿಗಳು !) 😀

ಅಮಚಿ ಮುಂಬೈ

-ಹೊರಗಡೆ ಮಳೆ ಏಷ್ಟು ಜೋರಾಗಿ ಹೊಯ್ಯುತಿದೆಯೊ ಅದಕ್ಕಿಂತ ಜೋರಾಗಿ ಮನೆ ಒಳಗಿನ ಫ್ಯಾನ್ ತಿರುಗುತ್ತಿದೆ.

–ಮನೆ ಹೊರಗಡೆ ಏಷ್ಟು ಜೋರಾಗಿ ಮಳೆ ಸುರಿದ್ರೂ ಸಹ ಮನೆ ಒಳಗಿನ ನಲ್ಲಿಯಿಂದ ಒಂದು ತೊಟ್ಟು ನೀರು ಬರೋಲ್ಲ.