ಮಹಾ ಆತ್ಮ -೩

ನಾನು ಗಾಂಧಿ ಬಗ್ಗೆ ಬರೆಯುತ್ತಿದ್ದೇನೆ ಎಂದು ಹೇಳಿದ ತಕ್ಷಣದ ಪ್ರತಿಕ್ರಿಯೆ,ಅವರು ತಮ್ಮ ಸಂಯಮ ಪರೀಕ್ಷೀಸಲು ಹುಡುಗಿಯರೊಂದಿಗೆ ಮಲಗಿದ್ದು ಗೊತ್ತಾ ? ನನಗೆ ಮೊನ್ನೆ ಮೊನ್ನೆಯವರೆಗೆ ಗೊತ್ತಿರಲಿಲ್ಲ. ಏನೂಂದ್ರೆ ಗಾಂಧಿ ನಗ್ನರಾಗಿ ಅವರ ಜೊತೆ ಮಲಗಿದ್ದರು ಎಂದು. ನನಗೆ ತಲೆಗೆ ಹೊಡೆದ ಹಾಗೆ ಆಯಿತು. ಅಜ್ಜನ ವಿಚಾರಗಳ ಕುರಿತು ಹೇಳುತ್ತಿದ್ದಾಗ ಅವರ ಖಾಸಗಿ ಬದುಕನ್ನು ಯಾಕೆ ಎತ್ತಿ ಹಿಡಿಯುತ್ತಾರೆ ಅಂತ ನನಗೆ ಯಾವಾಗಲೂ ಗೊತ್ತಾಗುವುದಿಲ್ಲ. ಇದೊಂದೇ ಸಲ ಅಲ್ಲ. ನಾನು ಅಜ್ಜನ ಬಗ್ಗೆ ಮಾತನಾಡುತ್ತಿರುವಾಗ ಈ ತರಹದ ವಿಷಯಗಳು ಮಧ್ಯ ಇಣುಕುತ್ತವೆ. ಅಥವಾ ಇವು ನನ್ನ ಗಾಂಧಿ ಪ್ರೀತಿಯನ್ನು ಮುಗಿಸಲು ಮಾಡುವ ಪ್ರಹಾರವೇ ಎಂದೆಲ್ಲ ಯೋಚಿಸಿದ್ದೇನೆ. ನನಗೆ ಅವಳ ಬಗ್ಗೆ ಅನುಕಂಪವಾಯಿತು. ನೀನು ಗಾಂಧಿ ಓದಿದ್ದಿಯಾ ಎಂದು ಕೇಳಿದೆ. ಹಾಗಾದಲ್ಲಿ ಮೊದಲು ನೀನು ಓದು. ಆಮೇಲೆ ಮಾತಾಡೋಣ ಅಂದೇ. ಮರುದಿನ ನಾ ಬರೆದಿದ್ದ ಓದಿ ಮಾತಾಡಲೇ ಇಲ್ಲ. ಅವಳಿಗದು ಹೊಸ ವಿಷಯವಂತೆ. ಯಾವುದು ಸತ್ಯ ಎಂಬ ಗೊಂದಲ ನನಗೆ ಈಗ ಬೇಡ ಎಂದು log off ಅಂದಳು . ಖರೆ, ನಾನು ಅವಳು ಓದಿದ ಸಾವರ್ಕರ್/RSS ಓದಿಲ್ಲ. ಆದರೆ ಸಾವರ್ಕರ ಯಾಕೆ ಗಾಂಧಿಯನ್ನು ತೆಗಳ್ತಾರೆ ? ಕೇವಲ ವಿಚಾರ ಧರ್ಮದಲ್ಲಿ ಭಿನ್ನತೆ ಇದ್ದ ಮಾತ್ರಕ್ಕೆ ? ನಾನು ಒಪ್ಪುವುದಿಲ್ಲ ( ಓದುವ ತನಕ). ಉನ್ನತ ವಿಚಾರಗಳಿರುವ ಮಂದಿ ( ಬುದ್ಧಿ ಜೀವಿಗಳು) ತಮ್ಮ ತಮ್ಮಲ್ಲೇ ದೋಷಾರೋಪಣೆ ಮಾಡಬಹುದು. ಅಂದ ಮಾತ್ರಕ್ಕೆ ಅದು ದ್ವೇಷದಿಂದ ಅಂತಲ್ಲ. ಅವರಷ್ಟು ವಿಚಾರದಲ್ಲಿ ಪ್ರಭುದ್ದರಾದಾಗ ಅವರು ಯಾಕೆ ಹಾಗೆ ಹೇಳಿದ್ದು ಎಂದು ಅರ್ಥವಾಗಬಹುದು. ಬಹು ಸಮಯದಲ್ಲಿ ಅನರ್ಥಗಳಾದದ್ದೇ ಹೆಚ್ಚು.

ಆಕೆ ಕೇಳಿದ್ದು ಭಗತ್ ಸಿಂಗ್ ನನ್ನು ನೇಣಿಗೆ ಏರಿಸಬೇಕೆಂದಿದ್ದಾಗ ಗಾಂಧಿ ಯಾಕೆ ಅವನ ಪರವಾಗಿ ಸತ್ಯಾಗ್ರಹ ಮಾಡಲಿಲ್ಲ ಎಂದು. ನನಗೆ ಈ ತರ್ಕವೇ ಸಮಂಜಸವಾಗಿ ತೋರುವುದಿಲ್ಲ. ಗಾಂಧಿ ಅಜ್ಜನದು ಅಹಿಂಸಾವಾದ. ಅದನ್ನು ಸಾಧಿಸಲು ಇರುವ ಒಂದು ದಾರಿ ಸತ್ಯಾಗ್ರಹ. ಹಿಂಸೆಯನ್ನು ಅವರು ಯಾವ ಕಾರಣಕ್ಕಾಗಿ ಒಪ್ಪಬೇಕು ಹಾಗೂ ಬೆಂಬಲ ಕೊಡಬೆಕ್ಕೀತ್ತೆಂದು ಈಗೀನ ಜನ ಕೇಳುತ್ತಾರೋ ಗೊತ್ತಾಗುವುದಿಲ್ಲ. ಹಿಂಸೆಯಿಂದ ಕ್ರಾಂತಿ ಮಾಡಲು ಹೊರಟವರಿಗೆ ಬೆಂಬಲ ಕೊಟ್ಟಿದ್ದರೆ ಇಡೀ ಜೀವನದುದ್ದಕ್ಕೂ ಮಾಡುತ್ತಿದ್ದ ಹೋರಾಟಕ್ಕೆ ಅರ್ಥವಿರುತ್ತಿತ್ತೇ ? ಭಗತ್ ಸಿಂಗರ ಬೆಂಬಲಿಗರಿಗೆ ಗಾಂಧಿ ಮೇಲಿರುವಷ್ಟು ಕೋಪ, ದ್ವೇಷ ಸ್ವತಹ ಭಗತ್ ಸಿಂಗರಿಗೆ ಇರಲಿಲ್ಲವೇನೊ. ನನಗೆ ಗಾಂಧಿ ಅಜ್ಜನಷ್ಟೇ ಪ್ರೀತಿ ಭಗತ್ ಸಿಂಗರ ಮೇಲೂ ಇದೆ. ಅವರ ಬಂಡಾಯಕ್ಕೆ, ಶೌರ್ಯಕ್ಕೆ, ಸ್ವಾತಂತ್ರ್ಯ ಪ್ರೇಮಕ್ಕೆ ನನ್ನದೊಂದು ಸಲಾಂ ಇದ್ದೇ ಇರುತ್ತದೆ